Чекишдан қутулишнинг оддий йўли топилди
Австриялик олимлар қизиқ тадқиқот ўтказдилар.
Мунтазам пиёда сайр қилиш чекишни ташлашга ёрдам беради. Инсбрук университети (Aвстрия) олимлари шундай хулосага келишди.
Олимлар кунига камида 10 та сигарет чекадиган ва тадқиқотдан 10 соат олдин чекмаслик сўралган 16 кишини тадқиқотга жалб қилишди. Кейин улар уч гуруҳга бўлинган. Биринчисида кўнгиллилар ўн дақиқалик тез пиёда юришди, иккинчисида улар ёпиқ югуриш йўлакчасида машқ қилишди, учинчисида эса ҳеч нарса қилишмади. Тамаки истеъмоли, аломатлари ва кайфияти борасида тренингдан олдин, машғулот пайтида ва кейин сўровнома ўтказилди.
Маълум бўлишича, жисмоний фаоллик сабаб иккита гуруҳда ҳам чекишга иштиёқ камайган. Учинчи гуруҳ эса у аввалгидай бўлиб қолган. Бундан ташқари, очиқ ҳавода вақт ўтказганлар, ёпиқ жойда вақт ўтказганларга қараганда чекишга камроқ эҳтиёж сезишган.
Олимларнинг фикрича, жисмоний фаоллик ёмон одатдан воз кечишнинг энг осон ва энг қулай усули ҳисобланади.
