Шавкат Мирзиёев Германияга етиб борди
Меҳмонни Берлин федерал ўлкаси ички ишлар, рақамлаштириш ва спорт вазири Ирис Шпрингер ва бошқа расмий шахслар кутиб олди.
Сиёсат
28 сентябрь 2023 йил
Президент Шавкат Мирзиёев 28 сентябрь куни ташриф билан Берлин шаҳрига етиб борди. Уни Германия Федерал канцлери Олаф Шолц таклиф қилганди.
“Берлин-Бранденбург” халқаро аэропортида меҳмонни Берлин федерал ўлкаси ички ишлар, рақамлаштириш ва спорт вазири Ирис Шпрингер ва бошқа расмий шахслар кутиб олди.
Эртага Мирзиёев Марказий Осиё ва Германия давлат раҳбарлари саммитида қатнашади, Федерал президент Франк-Валтер Штайнмайер ва Федерал канцлер Олаф Шолц билан музокаралар ўтказади.
Шунингдек, ташриф дастуридан ишбилармонлик тадбирлари ҳам ўрин олган.
