Президент Чустда болаларнинг заҳарланишига муносабат билдирди
Аввалроқ ССВ ва прокуратура ҳодиса тафсилотларини очиқлаганди.
Президент Шавкат Мирзиёев Чустда болаларнинг заҳарланишига муносабат билдирди.
"Президент Шавкат Мирзиёев Наманган вилоятининг Чуст туманида юз берган болалар соғлиғи билан боғлиқ нохуш ҳолатдан қаттиқ ташвишда, улар тез фурсатда соғайиб кетишини тилайди.
Давлат раҳбари бу борадаги вазият тўғрисида ахборотни мунтазам олиб бормоқда. Вилоят ҳокими ва масъулларга масалани алоҳида назоратга олиш, сабабларини аниқлаш ва тегишли таклифлар киритиш бўйича топшириқлар берилган", дейилади президент матбуот хизмати эълон қилган хабарда.
Эслатиб ўтамиз, Наманган вилояти, Чуст туманида юзга яқин бола доридан заҳарлангани бўйича хабар тарқалганди. Бош прокуратура ҳодиса юзасидан тергов ўтказмоқда.
