Ўзбекистон интернет тезлиги рейтингида пастлади

Ўзбекистон симли интернет тезлиги бўйича жаҳон рейтингида пастлади, мобил интернет тезлиги бўйича эса юқорилади. 

2023 йил август ойида Ўзбекистон Speedtest Global Index рейтингида мобил интернет тезлиги рейтингида 101-ўринни эгаллаган.

Июл ойига нисбатан мамлакат 11 поғонага кўтарилган. Мобил интернет тезлиги 23,25 Мбит/с деб баҳоланмоқда.

Симли интернет тезлиги бўйича Ўзбекистон 89-ўринни эгаллади (июлда 87-ўринда эди). Ўртача тезлик - 51,95 Мбит / с. Ўзбекистондан бир поғона тепада қўшни Қирғизистон, пастда эса Беларус жойлашган. 

БAA энг тез мобил интернет бўйича етакчиликни қўлга олган - 210,89 Мбит/с. Симли интернет тезлиги бўйича Сингапур пешқадамлик қилмоқда – 254,65 Мбит/с.

Энг сўнгги ўринларни Сурия, Афғонистон ва Куба эгаллаган.