Сурхондарё ҳокими яна фуқарони қамашни буюрди
Мактаб директори эътироз билдираётган вақтида вилоят ҳокими ИИБ ходимларига уни олиб чиқиш кетишни буюрган.
ОАВда Сурхондарё вилояти ҳокими Улуғбек Қосимовнинг Сариосиё туманидаги мактаб директори Умида Турсунова билан тортишгани видеоси тарқалди.
Эътиборли томони, мактаб директори эътироз билдираётган вақтида вилоят ҳокими ИИБ ходимларига уни олиб чиқиш кетишни буюрган.
Мактаб директори ишдан олинаётгани юзасидан Улуғбек Қосимовга қаттиқ эътироз билдирган.
Вазият юзасидан Мактабгача ва мактаб таълими вазири Ҳилола Умарова ҳам баёнот берди.
"Сурхондарё вилояти Сариосиё туманидаги 28- мактаб директори билан боғлиқ вазиятни шахсан ўз назоратимга олдим. Мактаб директори айни дамда маъмурий қамоқ жазосидан озод этилди.
Шу ўринда таълим соҳасида фаолият юритаётган ҳар бир шахс ўз муомала маданияти билан барчага ўрнак бўлиши лозимлигини эслатиб ўтмоқчиман" дейилади унда.
Эътиборли жиҳати, 21 июл куни Сурхондарё вилояти ҳокими Улуғбек Қосимовнинг маҳаллий раҳбарлар ва фермерлар билан учрашуви тасвирланган видео ижтимоий тармоқларда тарқалганди. Унда қишлоқ хўжалиги бўйича Деновда ўтказилган йиғилишда вилоят ҳокими раҳбарларга танбеҳ бергани, ноқонуний қилмишлари учун фермерлардан бирини қамоққа олиш бўйича топшириқ бергани акс этган.
Телеграмда кузатиб боринг!
