Шифокор жигар учун хавфли омилларни санаб ўтди

Терапевт Тамара Илинская алкоголдан ташқари жигарга катта зарар етказадиган одатлар ва маҳсулотлар ҳақида гапирди.

Ушбу органнинг шикастланиши соғлиқ учун жуда хавфли бўлиши мумкин: цирроз, органнинг ёғли дегенерацияси эҳтимоли бор, диабет, гепатит ва саратон хавфи ҳам ортади.

Жигар ҳолатига зарар етказадиган бир қатор маҳсулотлар мавжуд. Хусусан, меваларни ортиқча истеъмол қилиш. Кўп миқдордаги фруктоза жигарнинг ёғ босиши ва диабетга ҳисса қўшади. Олманинг кам миқдори фойда келтирса, кўпи жигарга зарар бўлади, дейди шифокор.

Ўзини-ўзи даволаниш, ҳар хил дориларни шифокор маслаҳатисиз ичиш ҳам жигар муаммоларига олиб келади. Чарчоқ, иштаҳанинг йўқолиши, қориннинг юқори қисмида ноқулайлик ва оғриқлар шифокор томонидан даволаниши керак, чунки бу аломатлар жигар билан боғлиқ муаммоларни кўрсатиши мумкин.

Шифокорнинг фикрича, жигар инсон организмидаги энг муҳим метаболик орган бўлиб, заҳарли моддаларни зарарсизлантириш, парчалаш ва хавфли заҳарли моддаларни олиб ташлаш учун жавобгардир.

Жигар гормонал мувозанатни, организмдаги ёғлар ва шакар алмашинувини назорат қилади ва иммунитет тизимининг соғлом ишлашида муҳим рол ўйнайди.

Аввалроқ, алкогол ва газли ичимликларнинг янги хавфи ҳақида маълумот берилганди.