Узунда аёл ўқитувчиларни дўппослаган ўқитувчига ҳукм ўқилди
Мактаб директори хонасида ўтказилаётган йиғилишда 34 ёшли эркак ўқитувчи икки нафар аёл ўқитувчи билан жанжаллашиб, уларни дўппослаган эди.
![Узунда аёл ўқитувчиларни дўппослаган ўқитувчига ҳукм ўқилди](https://cp.platina.uz/media/CACHE/images/photo_2023-04-18_16-56-42_uEUmaLp.951bc92aafcb.webp)
Бугун, 16 июнь куни жиноят ишлари бўйича Узун туман судида 31-мактабнинг жисмоний тарбия ўқитувчиси Г. Т. га оид жиноят ишини кўриб чиқиш бўйича очиқ суд жараёни тугаб, суд ҳукми эълон қилинган.
Унга кўра Г. Т. Жиноят кодексининг 277-моддаси (безорилик) 3-қисми “г” банди билан айбли деб топилиб, жиноят оқибатида икки нафар жабрланувчига етказилган маънавий ва моддий зарарлар қоплангани ҳамда уларнинг судланувчига нисбатан даъвоси йўқлиги инобатга олинган ҳолда 1 йил 6 ой муддатга озодликдан маҳрум қилинган. Жазони манзил-колонияларда ўташ белгиланган.
Шу йил 14 апрель куни соат 12:00 ларда Узун туманидаги 31-мактаб директори хонасида ўтказилаётган йиғилишда 34 ёшли эркак ўқитувчи икки нафар аёл ўқитувчи билан жанжаллашиб, уларни дўппослаган эди.