Вазирлик “Яшил макон”да қўшиб ёзишлар йўқолишига ваъда берди

Экология, атроф-муҳитни муҳофаза қилиш ва иқлим ўзгариши вазирлиги “Яшил макон”да қўшиб ёзишлар энди бўлмаслигига ваъда берди.

Бугун Миллий матбуот марказида ўтган матбуот анжуманида вазирлик "Яшил макон" умуммиллий лойиҳасини ташкиллаштириш ва мониторинг бошқармаси бошлиғи Ғофуржон Қаршибоев Platina.uz мухбири саволига шундай жавоб берди.

Аввалроқ Экология вазири Азиз Абдуҳакимов “Яшил макон” лойиҳаси доирасида экилиши керак бўлган 2 миллиондан ортиқ кўчат экилди деб ҳисоботга қўшиб ёзилганини, суғориш тизимлари мавжуд бўлмаган ҳудудларга 7,3 миллион туп кўчат экилганини маълум қилганди.

– Тўғри, ўтган мавсум якунлари бўйича шундай ҳолат қайд этилганди. Мана шу сабабдан бу мавсумда 65 мингта эмас, 10 мингта кўпроқ, 75 мингта кўчат экилиши топширилди. Суғориш тизимлари органилиб, суғоришнинг қайсидир услубидан фойдаланиб, қандай дарахтларга сув етказиб бериш чоралари кўрилмоқда. Бу хатолар ўрганилиб, мазкур мавсумда уларга йўл қўймаслик учун қаттиқ эътибор берилмоқда, – деди Қаршибоев.

Фазилат Соиб