Қурилиш вазирлиги ногиронлар уюшмасини ваколатдан маҳрум қилгани ошкор бўлди
Сенат раиси Танзила Норбоева мазкур масалани бир ҳафта муддатда узил-кесил ҳал қилишни Қурилиш вазирлигига топширди.
Янги қурилаётган биноларнинг ногиронларга мослигини назорат қилиш учун қабул комиссияси тузилиб, унинг таркибига ногиронлар уюшмаси, кўзи ожизлар ва карлар жамиятлари назорат қилиши учун киритилганди.
Бугун ўтаётган Сенат ялпи мажлисида маълум бўлишича, Қурилиш вазирлиги ушбу имтиёзни бекор қилган.
"Биз декабрдан апрел ойигача вазирлик берган электрон калитдан фойдаландик. Аммо апрелда улар калитни бекор қилишди. Сабабини сўрасак, техник носозлик, бир ойда қайтарамиз, дейишди. Қабул комиссияси таркибида бўлсак, кимга халал бераётганди. Ахир бу ҳаммага қулайлик-ку, жамоатчилик назорати эмасми?", деди Ногиронлар ассоциацияси раиси Ойбек Исоқов.
Бунга Адлия вазирлиги бошқарма бошлиғи жавоб беролмади ва раҳбариятга масалани етказишини айтди.
Сенат раиси Танзила Норбоева мазкур масалани бир ҳафта муддатда узил-кесил ҳал қилишни Қурилиш вазирлигига топширди.
