Ўзбекистонда хизмат кўрсатган артист Ўткир Сиддиқов вафот этди
Таниқли сухандон 78 ёшни қарши олганди.
Маданият
20 ноябрь 2023 йил
Ўзбекистонда хизмат кўрсатган артист, “Шуҳрат” медали соҳиби, таниқли ижодкор, сухандон Ўткир Сиддиқов оламдан ўтди. Бу ҳақда шоир Бобур Бобомурод хабар берди.
Ўткир Сиддиқов 1945 йилда Тошкент шаҳрида туғилган. У Тошкент театр ва рассомчилик санъати институтининг драма ва кино актёрлиги йўналишини тамомлаган.
Бошловчи сифатида бугунгача 8 мингга яқин концерт ва тадбирларда қатнашган, 250 дан мартадан ортиқ турли шаҳар ва мамлакатлардаги гастрол сафарларида бошловчилик қилган.
У 1996 йилда Ўзбекистонда хизмат кўрсатган артист унвони билан тақдирланганди.
