Россия бензин экспортига қўйилган тақиқни бекор қилди
Эслатиб ўтамиз, Ўзбекистон ҳам Россиядан бензин импорт қилувчи мамлакат саналади.
Россия ҳукумати бензин экспортига қўйилган вақтинчалик тақиқни бекор қилди, деб хабар қилди мамлакат Энергетика вазирлиги. Департамент маълумотларига кўра, ички бозорда таклифнинг профицити шаклланган, Россияда ёқилғи захиралари тахминан 2 миллион тоннага баҳоланмоқда.
Шу билан бирга, Энергетика вазирлиги зарурат туғилганда тақиқ қайта киритилиши мумкинлигини маълум қилган.
Охирги икки ой давомида нефтни қайта ишлаш заводларида нефтни қайта ишлашнинг юқори ҳажми сақланиб қолган ҳолда ички бозор тўйинган ва бензин етказиб беришнинг, шу жумладан, фонд биржасида профицит билан таъминланган, деб хабар беради Энергетика вазирлиги. Экспорт тақиқи бошланганидан бери автобензиннинг улгуржи биржа нархлари сезиларли даражада пасайган, дея қайд этади вазирлик.
Қиш мавсумида анъанавий равишда бензинга бўлган талаб камаяди ва нефтни қайта ишлаш заводларида таъмирлаш цикли ҳам якунланади.
Эслатиб ўтамиз, Ўзбекистон ҳам Россиядан бензин импорт қилувчи мамлакат саналади. Масалан 2022 йилда мамлакат Россиядан 142,7 млн. литр бензин импорт қилган. Бу жами импорт бензиннинг қарийб 88 фоизини ташкил қилади.
