Шавкат Мирзиёев илк бор Татаристонга боради
Мирзиёевнинг ташрифи кенг кўламли бўлиши, жумладан у республикадаги айрим саноат корхоналарига ташриф буюриши кутилмоқда.
![Шавкат Мирзиёев илк бор Татаристонга боради](https://cp.platina.uz/media/CACHE/images/36951642_244_0_1683_1079_1920x0_80_0_0_ee5329d883592c485c48b09452a40a5e_8UYtbBa.245ed1f27c40.webp)
Ўзбекистон Президенти Шавкат Мирзиёев 5 октябр куни Қозон шаҳрига боради. Бу президентнинг Татаристонга биринчи амалий ташрифи бўлади. Бу ҳақда маҳаллий "Бизнес онлайн" нашри хабар берди.
Мирзиёевнинг ташрифи кенг кўламли бўлиши, жумладан у республикадаги айрим саноат корхоналарига ташриф буюриши кутилмоқда.
4 октябр куни Kazan Expo кўргазмасида Россия ва Ўзбекистон ўртасидаги минтақалараро ҳамкорликнинг учинчи форуми бўлиб ўтади. Форумда Россия делегациясига ҳукумат раисининг ўринбосари – саноат ва савдо вазири Денис Мантуров бошчилик қилиши режалаштирилган. Шу куни Ўзбекистон Республикаси Бош вазири ўринбосари Жамшид Хўжаевнинг ҳам ташрифи кутилмоқда. Манбаларнинг хабар беришича, ташриф чоғида Хўжаев Татаристон Республикаси саноатчилари билан учрашиши режалаштирилган.