Транспорт назорати инспекциясига раҳбар тайинланди

Ўзбекистон Республикаси Президентининг тегишли қарори билан Каримов Жамшид Aбдуҳамидович Ўзбекистон Республикаси Транспорт вазирлиги ҳузуридаги Транспорт назорати инспекцияси бошлиғи лавозимига тайинланди.

Бу ҳақда Транспорт вазирлиги хабар берди.

Ушбу лавозимга тайинлангунига қадар Жамшид Каримов Ўзбекистон Республикаси Ички ишлар вазирлиги Йўл ҳаракати хавфсизлиги бош бошқармаси бошлиғининг биринчи ўринбосари - йўл ҳаракати хавфсизлигини мувофиқлаштириш бошқармаси бошлиғи лавозимида фаолият юритган.

Транспорт назорати инспекциясини эса вақтинча Фахриддин Салихов бошқариб келаётган бўлган.