Қарши туманига янги ҳоким тасдиқланди

 Алиқулов Зоир Халилович Қарши тумани ҳокими лавозимига тасдиқланди.

Зоир Алиқулов 1979 йилда Қарши шаҳрида туғилган. Ички ишлар академияси, академиянинг магистратура ва олий академик курсларини тамомлаган.

Тайинловга қадар у Деҳқонобод тумани ҳокими лавозимида ишлаб келаётган эди.

Эслатиб ўтамиз, шу вақтга қадар Қарши тумани ҳокими лавозимини Беҳзод Юсупов эгаллаб келаётганди. Маълумотларга кўра, у ўз истагига кўра ҳокимликдан кетган.