Вазирлар Маҳкамасида янги тайинловлар амалга оширилди

Абдусаттаров Тўлқин Сайфуллаевич Вазирлар Маҳкамасининг Олий Мажлисдаги Ваколатли вакили этиб тайинланди. Бу ҳақда Platina.uz манбаси хабар берди. 

Бунга қадар у адлия вазири ўринбосари лавозимида фаолият юритган.

Бундан ташқари Жавҳар Изамов Бош вазирнинг Протокол хизмати раҳбари этиб тайинланди. Ж.Изамов Ахборот технологиялари ва коммуникацияларини ривожлантириш вазирлиги халқаро алоқалар бўлими бошлиғи, Ўзбекистоннинг Туркманистондаги элчиси, Ташқи ишлар вазирлиги давлат протоколи бошқармаси бошлиғи лавозимларида ишлаган.

Бекзод Ҳидоятов Бош вазирнинг Матбуот хизмати раҳбари (Матбуот котиби) этиб тайинланган. Б.Ҳидоятов Ўзбекистон Миллий ахборот агентлиги — УзА шарҳловчиси, етакчи муҳаррири, Котибияти мудири, АОКАда бўлим бошлиғи ва ахборот хизмати раҳбари, Бош вазир матбуот хизмати бош мутахассиси лавозимларида ишлаган.