Президент Беларусни ШҲТга аъзо қилувчи меморандумни тасдиқлади

Президент Шавкат Мирзиёев Беларуснинг Шанхай ҳамкорлик ташкилотига (ШҲТ) аъзо давлат мақомини олиш бўйича мажбуриятлари тўғрисидаги меморандумни тасдиқлаш бўйича қарорни имзолади. Ҳужжат Lex.uz миллий қонунчилик маълумотлари базасида эълон қилинди.

ШҲТда кузатувчи мақомида бўлган Беларус 2022 йил июл ойида ушбу ташкилотнинг тўлақонли аъзоси мақоми учун ариза берган, орадан бир йил ўтиб ташкилотнинг Ню-Деҳлида бўлиб ўтган саммитида бу борада мажбурият меморандумини имзолаганди.

“Беларус Республикасининг Шанхай ҳамкорлик ташкилотига аъзо давлат мақомини олиш бўйича мажбуриятлари тўғрисидаги меморандум тасдиқлансин”, — дейилади Ўзбекистон раҳбари қарори матнида. Ҳужжатга мувофиқ, президент республика ташқи ишлар вазирлигига ШҲТ котибиятига республика томонидан халқаро шартнома кучга кириши учун ички давлат тартиб-қоидаларини бажараётгани тўғрисида билдиришнома юбориш топширилди.

ШҲТ 2001 йилда ташкил этилган халқаро ташкилот бўлиб, унга Ҳиндистон, Эрон, Қозоғистон, Хитой, Қирғизистон, Покистон, Россия, Тожикистон ва Ўзбекистон киради. Aфғонистон, Беларус ва Мўғулистон кузатувчи давлатлар, Озарбайжон, Aрманистон, Камбоджа, Непал, БAA, Туркия ва Шри-Ланка ҳамкор давлатлардир.