Шавкат Мирзиёев МДҲ саммитида мукофотланди
Мукофот бериш ташаббуси Қирғизистон Республикаси томонидан кўтарилган.
Бугун Бишкек шаҳрида бўлиб ўтган МДҲ давлат раҳбарларининг саммитида Ўзбекистон Президенти Шавкат Мирзиёев Мустақил Давлатлар Ҳамдўстлигининг Фахрий нишони билан тақдирланди.
Мукофот бериш ташаббуси Қирғизистон Республикаси томонидан кўтарилган.
Шавкат Мирзиёев МДҲни ривожлантириш, Ҳамдўстликка аъзо давлатлар ўртасидаги дўстлик, яхши қўшничилик ва ўзаро манфаатли ҳамкорликни мустаҳкамлашга қўшган ҳиссаси учун Мустақил Давлатлар Ҳамдўстлигининг олий мукофоти билан тақдирланди, дейилади хабарда.
"Шавкат Миромоновичнинг сиёсий иродаси туфайли бизнинг давлатларимиз ўртасида чегараларни делимитация қилиш жараёни ўз якунига етказилди ва ўн йиллардан буён ечилмай келаётган муаммолар ҳал бўлди" деди Қирғизистон президенти Садир Жапаров.
МДҲнинг Фахрий нишони ташкилот олий мукофоти саналади. У МДҲ Давлат раҳбарлари кенгашининг 2002 йил 7 октябрдаги қарори билан таъсис этилган.
