Шавкат Мирзиёев АҚШга етиб борди
Аэропортда олий мартабали меҳмонни Нью-Йорк шаҳри мэри Эрик Адамс, АҚШ-Ўзбекистон савдо палатаси раиси Кэролин Лэмм ва бошқа расмий шахслар кутиб олган.
Шавкат Мирзиёев Бирлашган Миллатлар Ташкилоти бош ассамблеясининг 78-сессияси тадбирларида иштирок этиш учун бугун Нью-Йорк шаҳрига етиб борган.
Аэропортда олий мартабали меҳмонни Нью-Йорк шаҳри мэри Эрик Адамс, АҚШ-Ўзбекистон савдо палатаси раиси Кэролин Лэмм ва бошқа расмий шахслар кутиб олган.
Ташриф дастурига кўра, 19 сентябрь куни Шавкат Мирзиёев Бирлашган Миллатлар Ташкилоти бош ассамблеяси ялпи сессиясининг умумий мунозараларида нутқ сўзлайди.
Шунингдек, Марказий Осиё мамлакатлари ва Америка Қўшма Штатлари етакчилари саммити, хорижий давлатлар, нуфузли халқаро ташкилотлар ва АҚШнинг етакчи компаниялари раҳбарлари билан қатор икки томонлама учрашувлар ҳам бўлиб ўтади.
