Марказий банк тадбиркорларга қўйилган валюта чекловини бекор қилди

Марказий банкнинг эътирозларга сабаб бўлган хўжалик юритувчи субъектлар валюта операцияларини фақат асосий ҳисобварағи очилган банкда амалга ошира олиши бўйича талаби бекор қилинди.

Бу ҳақда бугун Марказий банк раиси Мамаризо Нурматов матбуот анжуманида маълум қилди, дея хабар бермоқда Platina.uz мухбири.

Чекловга кўра, тадбиркорлар хорижий валюта сотиб олиш учун банкнинг тегишли тузилмасидан ижобий хулоса олиши, банклар эса янги талабларни бажармаган тақдирда валюта биржасидаги иштироки чеклаб қўйилиши ҳақида огоҳлантирилиши белгиланганди.