Мирзиёев Тожикистон ва АҚШга боради

Ўзбекистон президенти Тожикистон ва АҚШга боради. Жумладан, Шавкат Мирзиёев 14-15 сентябрь кунлари Душанбе шаҳрида бўлади.

Бу ерда Марказий Осиё давлатлари раҳбарларининг бешинчи маслаҳат учрашуви ҳамда Оролни қутқариш Халқаро жамғармаси саммити бўлиб ўтади.

Бу ҳақда президент матбуот хизмати хабар берди. 

Шунингдек, кейинги ҳафтада Ўзбекистон президенти АҚШга жўнаб кетади. Ш.Мирзиёев Нью-Йорк шаҳрида БМТ Бош ассамблеясининг 78-сессияси умумсиёсий мунозараларида нутқ сўзлайди ҳамда "С5+1" форматидаги АҚШ ва Марказий Осиё давлатлари раҳбарларининг биринчи учрашувида иштирок этади.