Ҳарбий суд ва қатор вилоят судларига янги раислар тайинланди
Шунингдек, айрим судьялар ишдан олинди.
Ўзбекистон Республикаси Президентининг фармойиши билан ҳарбий суд, айрим вилоят судларига раислар тайинланди. Жумладан:
Садриддин Бавабекович Эшанкулов - судьялик ваколати муддати даврига Ўзбекистон Республикаси Ҳарбий судининг раиси лавозимига;
Абдухалим Абдураимович Ахмедов – судьялик ваколати муддати даврига Бухоро вилоят маъмурий судининг раиси лавозимига;
Турабек Абдуровубович Қодирқулов - судьялик ваколати муддати даврининг беш йил муддатига Сирдарё вилоят маъмурий судининг раиси лавозимига;
Ғолибжон Сайитжонович Давлатов – судьялик ваколати муддати даврига Қашқадарё вилоят маъмурий судининг раиси лавозимига;
Алишер Абдурашидович Абдурахманов – судьялик ваколати муддати даврининг беш йил муддатига Фарғона вилоят суди раисининг ўринбосари – иқтисодий ишлар бўйича судлов ҳайъати раиси лавозимига тайинланди
Ўзбекистон Президентининг фармойиши билан ёзма аризаларига асосан, Бухоро вилоят маъмурий судининг раиси С. Турсунов ва Фарғона вилоят суди раисининг ўринбосари – иқтисодий ишлар бўйича судлов ҳайъати раиси А. Мадаминов эгаллаб турган лавозимларидан озод этилди.