Тўра Боболов пул ажратишни бошлаб юборди

Оққўрғон тумани ҳокими Тўра Боболов "Фуқаролар ташаббуси жамғармаси"га 341,0 млн. сўм маблағ ажратиш бўйича фармойиш чиқарди.

Ушбу маблағ туман бюджетининг 2023 йил 2-чорак орттириб қолинган қисмидан ажратилиши белгиланган.

"Фуқаролар ташаббуси жамғармаси" бюджет жараёнларида фуқароларнинг фаол иштирокини таъминлаш ва аҳоли муаммоларини ҳал этишга қаратилган жамғарма саналади.

Тўра Боболов 1 август куни Оққўрғон тумани ҳокими этиб тайинланган.

Эслатиб ўтамиз, Тўра Боболов илк бор 2019 йилда Сурхондарё вилояти ҳокими вазифасига келганди. У Сурхондарёга 2022 йил декабригача раҳбарлик қилди. 2023 йил март ойида Боболовнинг депутатлик ваколати ҳам тугатилганди.