Халқаро йўлбарслар куни

29 июл санаси билан боғлиқ хабарлар

Халқаро йўлбарслар куни – бу байрам 2010 йил ноябр ойида Санкт-Петербургда Ердаги йўлбарсларни сақлаш билан боғлиқ муаммолар бўйича халқаро форум – "Тигер саммити"да ташкил этилган. Ҳар йили 29 июлда нишонланади.

Турли мамлакатларда Халқаро йўлбарслар кунини ўтказишнинг асосий мақсадларидан бири йўлбарсларнинг йўқ бўлиб кетиши муаммоси ва уларни ҳимоя қилиш усуллари ҳақида жамоатчиликни хабардор қилишдир.

Йўлбарс халқаро ҳимоя остида, IUCN Қизил рўйхатига киритилган. 1947 йилдан бошлаб йўлбарсларни овлаш тўлиқ тақиқланган. 1955 йилда йўлбарс болаларини тузоққа олиш тақиқланган, кейин эса қатъий чекланган.

Молдовада Конституция куни.

Украинада махсус амалиёт кучлари куни.

Воқеалар.

1939 йил – Менск шаҳри расман Минск деб ўзгартирилди.

1941 йил – Руминия 1940 йилда СССРга берилган Бессарабия ва Буковинанинг қайтарилишини эълон қилди.

1948 йил – Лондонда XIV ёзги Олимпия ўйинлари очилди.

1952 йил – Тинч океани бўйлаб биринчи тўхтовсиз реактив парвоз амалга оширилди.

1957 йил – 1956 йил 23 октябрда тасдиқланган МАГАТЕ – Атом энергияси бўйича халқаро агентлик Низоми кучга кирди. БМТнинг 1954 йил 4 декабрдаги қарорига мувофиқ ташкил этилган халқаро ташкилот, БМТ тизимига киради, ривожлантириш бўйича ваколатларни амалга оширади. Атом энергиясидан тинч мақсадларда фойдаланиш соҳасидаги ҳамкорлик. Бош қароргоҳи Вена шаҳрида (Австрия) Вена халқаро маркази жойлашган.

1974 йил – собиқ СССР КГБ раиси Юрий Владимирович Андроповнинг буйруғи билан терроризмга қарши кураш учун "Алфа" гуруҳи тузилди.

1981 йил – Британия тахти вориси шаҳзода Чарлз ва хоним Диана Спенсер Лондонда турмуш қуришди. Уни 750 миллионга яқин томошабин бутун дунё бўйлаб томоша қилди.

1985 йил – М. С. Горбачев Совет Иттифоқининг ҳар қандай ядровий портлашларни бир томонлама тўхтатиш тўғрисидаги қарори ҳақида баёнот қилди. Мораторий 1986 йил 1 январгача эълон қилинди.

1996 йил – Microsoft Windows NT 4.0 операцион тизимини тақдим этди.

1999 йил – Ўзбекистон Республикаси Президенти фармонига асосан, Американинг “Шеттл-Эндевер” космик кемасида фазони тадқиқ этишдаги жасорати, ўзбек миллатининг шон-шуҳратини юксалтиришдаги хизматлари ҳамда ёшларга коинот сирларини ўргатиш, уларни ватанпарварлик ва дўстлик руҳида тарбиялашга қўшган улкан ҳиссаси учун космонавт Солижон Шарипов “Буюк хизматлари учун” ордени билан мукофотланди.

• Куба раҳбари Фидел Кастро АҚШ ва Канадани Панамерика ўйинларида Куба жамоасига қарши "ифлос ҳийлалар" ишлатганликда айблади.

2002 йил – Ўзбекистон Республикаси Вазирлар Маҳкамасининг “Маданий мерос объектларини муҳофаза қилиш ва улардан фойдаланишни янада такомиллаштириш чора-тадбирлари тўғрисида”ги қарори қабул қилинди.

2005 йил – Ўзбекистон Республикаси Вазирлар Маҳкамасининг “Тошкент тиббиёт академияси фаолиятини ташкил этиш тўғрисида”ги қарори қабул қилинди.

2015 йил – Microsoft Windows 10 операцион тизимини тақдим этди.

2019 йил – Ўзбекистон Республикасининг “Қурол тўғрисида”ги Қонуни қабул қилинди.

2021 йил – Халқаро космик станция вақтинча назоратдан чиқиб кетди ва Россиянинг “Наука” модули двигателининг ишламай қолиши натижасида ISSни 45 градусга ҳаракатлантирди.

2022 йил – сайёрамиз тарихидаги энг қисқа кун қайд этилди. Шу куни сайёрамиз ўз ўқи атрофида тўлиқ айланиб чиқиши учун ҳар қачонгидан 1,59 миллисония кам сарфлаган. Умуман, куннинг одатдаги давомийлиги 24 соат ёки 86 400 сонияни ташкил этади.

• Тошкент шаҳрида Ўзбекистон Республикаси ва Қозоғистон Республикаси ўртасида дипломатик алоқалар ўрнатилганининг 30 йиллигини кенг нишонлаш бўйича Қўшма тадбирлар режасини имзолаш маросими бўлиб ўтди.

Таваллудлар

1959 йил — ҳинд актёри Санжай Датт;

1969 йил – курашчи, халқаро миқёсдаги спорт устаси, “Ўзбекистон ифтихори” фахрий унвони соҳиби Маҳтумқули Маҳмудов;

• ўзбек давлат арбоби, Ўзбекистон мудофаа вазири генерал-лейтенант Баҳодир Қурбонов;

1975 йил – спортчи, “Ўзбекистон ифтихори” фахрий унвони соҳиби Акобир Қурбонов таваллуд топган.