Рус компанияси Ўзбекистон корхонасидан $2,1 миллион талаб қилмоқда

Россиянинг Курган вилояти арбитраж суди сайтида йўл ва коммунал техника ишлаб чиқарувчи “Қургандормаш” компаниясининг Ўзбекистондан UzAutoTrailer компаниясига маҳсулот етказиб берганлик учун 196 миллион рубл (2,1 млн доллар) ундириш талаби ҳақида маълумот жойлаштирилган.

Курган йўл машинасозлиги заводининг даъво аризаси арбитраж судига 2021 йил 26 февралдаги келишувга асосан берилган. Қарз миқдори 175 984 840 рублни ташкил этади, шунингдек, товарни тўлаш бўйича мажбуриятлар бажарилгунга қадар ҳисоб-китобларни давом эттириш билан 19 962 413 рубл миқдорида ҳисобланган фоизлар ҳам мавжуд.

Бундан ташқари, "Кургандормаш" давлат божини тўлаш харажатларини қоплашни талаб қилади.

Aгентлик инсайдерлари бу даъво йўл техникаси етказиб бериш билан боғлиқ деб ҳисобламоқда.

“UzAutoTrailer” МЧЖ 2012 йилда ташкил этилган бўлиб, Самарқанд вилоятининг Жомбой туманида жойлашган. Корхона автомобил тиркамалари ва осма ускуналар ишлаб чиқаришга ихтисослашган.