Қашқадарёда ичимлик суви нархи 2 баравар оширилади

Қашқадарё вилоятида 1 м³ ичимлик суви ва оқова сув хизматлари нархлари ўзгарди.

Бу бўйича вилоят депутатлари кенгаши қарори эълон қилинган. 

Аҳоли истеъмолчиларига 1 м³ ичимлик суви нархи 2000 сўм, оқова сувдан фойдаланганлик 1 м³ учун 1000 сўм этиб белгиланди.

Янги тарифлар  қарор ОАВда расман эълон қилингандан 15 кун ўтгач, кучга кириши айтилган.

Эслатиб ўтамиз, бир неча кун аввал Сурхондарёда ҳам ичимлик ва оқова сувлари нархи оширилгани хабар берилганди. Сурхондарёликлар 28 июлдан бошлаб янги тарифларда ҳақ тўлайдилар.