Долларнинг туғилган куни

Platina.uz 6 июль санаси билан боғлиқ муҳим воқеликларни жамлади.

Халқаро кардиологлар куни

Воқеалар

• 1785 йил – доллар АҚШ миллий валютасига айланди.
• 1885 йил – дунёда биринчи марта қутуришга қарши вакцина одамларда қўлланди. Француз олими Луи Пастер уни қутурган ит тишлаган 9 ёшли Жозеф Майстерда муваффақиятли синовдан ўтказди.
• 1905 йил – Америка ва Европада ҳуқуқ-тартибот идоралари биринчи марта жиноятда гумон қилинган шахснинг бармоқ изларини алмаштирдилар. Лондон ва Цент-Луис полициячилари бир-бирига Жон Уокернинг бармоқ изларини беришди.
• 1912 йил – Россияда биринчи марта бахтсиз ҳодисалар ва касалликлардан суғурталаш жорий этилди.
• 1962 йил – Тошкент яқинида ИЛ-14 ҳалокатга учради. Оқибатда 11 киши ҳалок бўлди.
• 2021 йил – “Ўзбекистон Республикаси Президенти давлат хавфсизлик хизмати тўғрисида”ги қонун имзоланган.

Таваллудлар

• 1926 йил – тарихчи олим, Ўзбекистонда хизмат кўрсатган фан арбоби Ғуломқодир Рашидов;
• 1951йил – шоир, таржимон Шукур Қурбонов;
• 1940 йил – Қозоғистоннинг биринчи президенти Нурсултон Назарбоев;
• 1946 йил – АҚШнинг 43-президенти Жорж Буш;
• Америкалик актёр, режиссёр, сценарийнавис ва продюсер Силвестр Сталлоне;
• 2003йил – ўзбек футболчиси, “Пахтакор” клуби ва Ўзбекистон U20 футбол терма жамоаси ҳужумчиси Пўлатхўжа Холдорхонов.