Илон Маск дунёда яна яққол етакчига айланди

Aмерикалик миллиардер Илон Маск яна дунёнинг энг бой одамлари рўйхатида биринчи ўринни эгаллади. Bloomberg бойлар рўйхатини тақдим этган.

Нашрнинг ёзишича, Tesla ва Space X асосчиси йилнинг биринчи ярмида бойлигини қарийб 100 миллиард долларга оширган: олти ой ичида унинг бойлиги 234 миллиард доллардан ошиб кетди.

Aгентликнинг қайд этишича, июл ойида Tesla акциялари 6,9 фоизга ошган, бу эса тадбиркорга яна 13 миллиард доллар олиб келган.

Иккинчи ўринда LVMH эгаси Бернард Aрно 200 миллиард доллар билан жойлашган, америкалик тадбиркор ва Amazon асосчиси Жефф Безос 154 миллиард доллар билан кучли учликни якунлаб турибди.

Даромад бўйича Маскдан кейин Meta Platforms эгаси Марк Цукерберг турибди – июн ойигача унинг бойлиги 58,9 миллиард долларга ўсган ва ҳозирда 104 миллиард долларни ташкил этади. Цукерберг дунёдаги энг бой одамлар орасида тўққизинчи ўринда туради.

Эслатиб ўтамиз, аввал Маск дунёнинг энг бой одами унвонини Бернар Арнога бой берганди. Июнда Bloomberg Маскни жаҳоннинг энг бой кишиси дея топган, аммо Forbes рўйхатида ҳануз Арно етакчилик қилаётганди.

Шунингдек, у Твиттер рақобатчиси Марк Цукербергни Лас-Вегасда жанг ўтказишга чақирганди.