Дунё бойлари рўйхатида етакчи ўзгарди
Bloomberg нашри хабарига кўра, Бернард Арно бойлар рўйхатида етакчи ўринни эгаллаб турганди.
Tesla ва SpaceX асосчиси Илон Маск Bloomberg талқини бўйича дунёнинг энг бой одамлари рўйхатида яна биринчи ўринни эгаллади.
Bloomberg Billionaires Index маълумотларига кўра, тадбиркорнинг бойлиги 192 миллиард долларни ташкил этади.
Мода ва косметика соҳасидаги француз тадбиркори Бернар Арно эса 187 миллиард доллар бойлиги билан иккинчи ўринга тушиб қолди.
Forbes талқини бўйича Арно 215 миллиард доллар бойлиги билан ҳамон сайёрадаги энг бой одам бўлиб қолмоқда. Маск 200 миллиард доллар билан иккинчи ўринда.
Маълум бўлишича, Маск бу йил 55,3 миллиард доллардан ортиқ ишлаб топди. Бойлигининг юқорилишига асосий саба Tesla акциялари йил бошидан 66 фоизга ошган.
