Америкада бугун тарихий кун

Platina.uz 4 июль санаси билан боғлиқ муҳим воқеликларни жамлади.

АҚШ мустақиллиги куни.

Воқеалар

• Бугун Ҳиндистон раислигида видеоконференция форматида ШҲТга аъзо давлатлар раҳбарлари кенгашининг 22-саммити бўлиб ўтади. Саммитга Ҳиндистон раислик қилади, уни бош вазир Нарендра Моди олиб боради. Ўзбекистон Президенти Шавкат Мирзиёев ҳам ушбу саммитда қатнашади.
• 1865 йил — Люис Керролл қаламига мансуб “Алиса мўъжизалар мамлакатида” асари нашр қилинган.
• 1903 йил – Филиппин – Америка уруши расман якунланган.
• Президент Рузвельт Тинч океанининг тубига ётқизилган кабел орқали бутун дунё бўйлаб хабарларни юбориб, Тинч океани линиясининг очилишини тантанали эълон қилган.
• 1906 йил – Буюк Британия, Франция ва Италия Эфиопия мустақиллиги кафиллари бўлди.
• 1911 йил – Америка Қўшма Штатларининг шимоли-шарқида кучли иссиқлик тўлқини келиб, 11 кун ичида 380 кишининг ўлимига сабаб бўлган ва бир нечта шаҳарларда ҳарорат рекорди янгиланган.
• 1946 йил – Филиппин мустақиллигини тан олди.
• 1954 йил – Жаҳон чемпионати финалида Ғарбий Германия Венгрияни 3:2 ҳисобида мағлуб этди.
• 1960 йил – Гавайи оролларининг аннекция қилинишини хотирлаш учун АҚШ байроғига 50-юлдуз қўшилди.
• 1986 йил – АҚШ президенти Роналд Рейган Франция президенти Француа Миттеран иштирокида Нью-Йоркдаги “Озодлик ҳайкали”ни реконструкция қилинганидан кейин тантанали равишда очди.
• 1997 йил – НАСА космик зонди Марс юзасига қўнди.
• 2003 йил – Туркманбоши Сапармурат Ниязов (1991-2006) мактабдан кейин дарҳол университетларга киришни тақиқлади.
• 2004 йил – Озодлик минорасининг тамал тоши Нью-Йорк шаҳридаги Жаҳон савдо маркази ўрнига қўйилди.
• Футбол бўйича Греция терма жамоаси финалда Португалия термасини мағлуб этиб, биринчи марта Европа чемпиони бўлди.

Таваллудлар

• 1937 йил — актёр, режиссёр, Ўзбекистонда хизмат кўрсатган санъат арбоби Мансур Равшанов;
• 1947 йил — Олий Мажлис Сенатининг Ташқи сиёсат масалалари қўмитасида доимий асосда ишловчи сенатор (2005-2019), Ўзбекистон миллий олимпия қўмитаси (2013-2017) ва Ўзбекистон футбол федерацияси президенти (2005-2017) ҳамда Марказий Осиё Футбол уюшмаси президенти (2015-2018-йилларда) лавозимларида ишлаган давлат арбоби Мираброр Усмонов.