Электрон сигаретларнинг ўта хавфли томонлари ошкор қилинди

Электрон сигаретлар оғиздаги фойдали микроорганизмларни йўқ қилади, бўшлиқлар ва милк касалликларини келтириб чиқарадиган микроблар сонини оширади.

Бундан ташқари, электрон сигарет чекиш саратонга олиб келиши мумкин бўлган ҳужайра ўзгаришларини келтириб чиқаради. Бу ҳақда Марказий Флорида университети тиббиёт коллежи олимлари тадқиқотида маълум қилинди, дея ёзади Medical Express.

Олимлар ушбу турдаги сигаретлар кариес ривожланишига сабаб бўлувчи Streptococcus mutans бактериясининг ҳаётий фаолиятига қандай таъсир қилишини ўрганишди. Маълум бўлишича, тамаки суюқлиги иммунитет ҳимоясини йўқ қилади ва соғлом оғизда яшовчи бактерияларнинг кўпайишини қийинлаштиради.

Шу билан бирга, патоген микрофлора учун қулай шароитлар яратилади.

Электрон сигарет истеъмолчиларида зарарли бактерияларнинг кўпайиши натижасида милклар яллиғланади, шунингдек, тишлар чирийди ва тушади. Ўзгаришлар ҳужайраларда ҳам содир бўлади, бу ўз навбатида, саратон ўсмалари ривожланиш хавфини оширади.

Аввалроқ хотирани яхшилайдиган фойдали маҳсулотлар ҳақида маълумот берилганди.