Ўзбекистон амалда тинчликсевар давлатга айланяпти
Қизиқ томони, АҚШ ва Россиянинг кўрсаткичларига ҳавас қилиб бўлмайди.
Global Peace Index жаҳон тинчликсевар мамлакатлари рейтингини эълон қилди, унда Ўзбекистон 86-ўринни эгаллади.
У рўйхатда Марокашдан кейин ва Гвения-Бисаудан тепада жойлашган.
Таъкидлаш керакки, беш йил аввал, яъни 2018 йилда Ўзбекистон 104-поғонани банд этганди.
Марказий Осиёда Қозоғистон яхши натижа кўрсатган: 76-ўрин. Афғонистон сўнгги, 163-поғонада қайд этилган.
Якуний натижаларга кўра, Исландия дунёнинг энг тинчликсевар давлати деб топилди. Ундан кейин, Дания, Ирландия, Янги Зеландия ва Австрия жойлашган.
Қизиқ томони, АҚШ ва Россиянинг кўрсаткичларига ҳавас қилиб бўлмайди: икки давлат мос равишда 131 ва 157-ўринни эгаллаган. Мақолада қайд этилишича, дунёда тинчлик кўрсаткичи ёмонлашиб бормоқда. Судан, Украина ва Яқин Шарқдаги можаролар бунда асосий рол ўйнаган.
