Узунда аёл ўқитувчиларни дўппослаган ўқитувчига ҳукм ўқилди

Бугун, 16 июнь куни жиноят ишлари бўйича Узун туман судида 31-мактабнинг жисмоний тарбия ўқитувчиси Г. Т. га оид жиноят ишини кўриб чиқиш бўйича очиқ суд жараёни тугаб, суд ҳукми эълон қилинган.

Унга кўра Г. Т. Жиноят кодексининг 277-моддаси (безорилик) 3-қисми “г” банди билан айбли деб топилиб, жиноят оқибатида икки нафар жабрланувчига етказилган маънавий ва моддий зарарлар қоплангани ҳамда уларнинг судланувчига нисбатан даъвоси йўқлиги инобатга олинган ҳолда 1 йил 6 ой муддатга озодликдан маҳрум қилинган. Жазони манзил-колонияларда ўташ белгиланган.

Шу йил 14 апрель куни соат 12:00 ларда Узун туманидаги 31-мактаб директори хонасида ўтказилаётган йиғилишда 34 ёшли эркак ўқитувчи икки нафар аёл ўқитувчи билан жанжаллашиб, уларни дўппослаган эди.