Жанубий Африкада вабо кенг тарқаляпти
Мамлакат президенти Сирил Рамафоса эпидемиянинг марказига ташриф буюрди.
Жанубий Африкада февраль ойида бошланган вабодан вафот этганлар сони 31 нафар етган. Бу ҳақда Anadolu агентлиги хабар берди.
Қайд этилишича, мамлакатнинг Гаутенг провинциясида вабодан 29 киши, Фри-Стейт ва Мпумаланга провинцияларида яна биттадан ўлим қайд этилган.
Жанубий Африкада жами 166 та лаборатория томонидан тасдиқланган вабо инфекцияси аниқланган, яна 202 нафари шифокорлар томонидан текшириляпти. Аввалроқ ҳукумат расмийлари ўлимлар сони 22 тани ташкил этганлигини қайд этган.
Мамлакат президенти Сирил Рамафоса эпидемиянинг марказига айланган Хамманскраалега ташриф буюрди.
Президент вабо эпидемиясини тезроқ бартараф этиш учун ҳукумат барча зарур чораларни кўраётганини маълум қилган.
