Қатар амири Самарқандга етиб келди
Самарқанд аэропортида меҳмонни президент Шавкат Мирзиёев кутиб олди.
Қатар амири шайх Тамим бин Ҳамад Ол Соний бугун, 5 июнь куни давлат ташрифи билан Самарқандга етиб келган.
Самарқанд аэропортида меҳмонни президент Шавкат Мирзиёев кутиб олган, дея хабар бермоқда давлат раҳбари матбуот хизмати.
Ташрифнинг асосий тадбирлари эртага режалаштирилган. Бугун икки мамлакат етакчилари кўҳна Самарқанднинг тарихий обидаларига биргаликда ташриф буюрадилар.
Музокараларда Ўзбекистон ва Қатар ўртасидаги кўп қиррали муносабатларни янада ривожлантириш масалалари: фаол сиёсий мулоқотлар ва маданий-гуманитар алмашинувни давом эттириш, энергетика, газ-кимё саноати, қишлоқ хўжалиги, инфратузилма, логистика, туризм ва бошқа тармоқларда йирик инвестиция лойиҳаларини амалга ошириш муҳокама қилинади.
