Бугун Абдусатторов Норвегиядаги супертурнирдаги иштирокини бошлайди
Cупертурнирнинг умумий соврин жамғармаси қарийб 225 минг АҚШ долларини ташкил этади.
Бугун Норвегиянинг Ставангер шаҳрида шахмат бўйича нуфузли "Norway Chess" турнири бошланади.
Бугун мусобақа доирасида блиц баҳслари ўтказилади. Унда барча 9 та тур ўйинлари ташкил этилади. Эртадан бошлаб эса классик баҳслар бошланади.
Супертурнирда ўзбекистонлик шахматчи Нодирбек Абдусатторов ҳам иштирок этади. Шунингдек, мусобақада Магнус Карлсен (Норвегия), Алиризо Фируджа (Франция), Хикару Накамура (АҚШ), Аниш Гири (Нидерландия), Уэсли Со (АҚШ), Фабиано Каруана (АҚШ) ва бошқа шахматчилар ҳам иштирок этади.
Мукофот жамғармаси 2 500 000 норвегия кронасини (тахминан 225 минг АҚШ доллари) ташкил этади. Ғолиб шахматчи 7 50 000 норвегия кронасини (тахминан 67,5 минг АҚШ доллари) қўлга киритади.
