Бухорода долларга “права” сотмоқчи бўлишди

Пешку тумани Автомотоҳаваскорлар НТМ шуъба корхонаси бошлиғи Ўзбек маҳалласида яшовчи фуқарони алдаб, унинг танишига “Б” тоифадаги ҳайдовчилик гувоҳномасини олиш учун ўтказиладиган тест имтиҳонларидан ваколатли танишлари орқали ўтказиб беришни ваъда берган.

Ички ишлар вазирлиги хабарига кўра, у бунинг эвазига 300 доллар сўраган. 16 май куни ўтказилган тезкор тадбирда Бухоро шаҳар Моҳи-хоса кўчасида жойлашган тиббиёт муассасаси олдида ушбу шахс пулларни олган вақтида ушланган.

Ҳолат юзасидан Жиноят кодексининг 168-моддаси 1-қисми билан жиноят иши қўзғатилиб, ҳозирги кунда дастлабки тергов ҳаракатлари олиб борилмоқда.