Вазирлар ва ҳокимлар АКТга ўқитилади

2023 йил 1 августдан давлат органларининг биринчи раҳбарлари рақамли технологиялар бўйича Давлат бошқаруви академиясида қисқа муддатли курсларда ўқитилади.

Бу ҳақда 20 майда имзоланган ҳукумат қарорида сўз борган. Қарорга мувофиқ, 2023 йил 1 июлдан давлат органларининг АКТ соҳасига маъсул ходимлари 3 йилда бир марта малакасини оширади.

Малака ошириш курси 24 соатдан кам бўлмаслиги лозим, курсни таъмомлаган ходимлар икки ойда рейтинг баҳолашдан ўтказилади. Малака ошириш билан боғлиқ барча харажатлар уларни юборган давлат органларининг маблағлари ҳисобидан қопланади.

Шунингдек, ходимлар малакасини оширишга Рақамли технологиялар вазирлиги масъул ҳисобланади.