21 та ҳолат, 107 нафар жабрланувчи, 2 та ўлим...
Озиқ-овқат хавфсизлиги таҳлилларига кўра, Ўзбекистонда ўтган йили 65 та овқатдан заҳарланиш кузатилган бўлса, 518 нафар жабрланган фуқароларнинг 194 нафари болалардир. Заҳарланиш энг кўп уй шароитида кузатилган. Жорий йилнинг ўтган даври таҳлиллари ҳам қувонарли эмас.
Санитария-эпидемиологик осойишталик ва жамоат саломатлиги қўмитаси раиси ўринбосари Нурмат Атабековнинг маълум қилишича, 2023 йилнинг ўтган даври мобайнида 21 та ҳолатда 107 нафар овқатдан заҳарланди. Уларнинг 22 нафари болалардир. 2 нафар фуқаро вафот этган.
Овқатдан заҳарланишнинг 2 ҳолатида умумий овқатланиш шохобчаларида, яъни бир зумда тайёрланадиган “Лаваш”, “Бургер” ва шу каби тезпишар маҳсулотларни тайёрлаш жараёнида уларнинг технологиясига риоя этилмаганлиги оқибатида кузатилган.
