Месси Саудияга рухсатсиз боргани учун икки ҳафтага ўйиндан четлатилди
Франциянинг "Пари Сен-Жермен" футбол жамоаси раҳбарияти супер юлдуз ҳужумчи Лионеля Мессини икки ҳафтага ўйиндан четлатган. Месси клуб рухсатисиз Саудия Арабистонига реклама сафарига чиққани учун шундай қарор қабул қилинган.
Хабарларга кўра, "ПСЖ" жамоаси якшанба куни ўз уйида "Лорьян"дан 3: 1 ҳисобида мағлуб бўлганидан сўнг, 35 ёшли футболчи Саудия Арабистонига учиб кетган. Бу ерда футбол юлдузи расман “туризм элчиси” ҳисобланади.
Ўйиндан четлатиш бепул бўлади ва Месси келажакдаги ўйинларда - "ПСЖ"нинг “Троя” ва “Аяччо” жамоаларига қарши “Лига 1” ўйинларида майдонга тушмайди. Лекин мавсумнинг охирги учта ўйини Мессисиз ўтмайди.
Айрим маълумотларга кўра, футболчи жорий йилнинг июн ойида - мавсум тугаганидан сўнг “ПСЖ” билан шартномани чўзиш ниятида эмас.
Умуман, охирги пайтларда “ПСЖ” раҳбарияти ва Месси ўртасида муносабатлар анча совуқлашиб кетган. Ўтган йил декабрда Месси Аргентина терма жамоасига Жаҳон кубогини олиб берган эди. Бироқ шундан кейин футбол юлдузининг “ПСЖ”даги маҳсулдорлиги кескин тушиб кетди ва мухлисларининг ҳақли норозилигига сабаб бўлмоқда.
Мессининг шартномаси шу мавсум охирида тугайди. Бироқ Месси маошини қисқартиришлари эвазига шартномани узайтириш таклифини рад этган. Шу боис Месси “ПСЖ”дан кетгач, қайси жамоада тўп суриши ҳақида турли тахминлар урчиб бормоқда.
Айтишларича, Саудия профессионал лигаси клубларидан кўплаб таклифлар олган. Шунингдек, унинг Олий футбол лигасига ўтиши ва ҳатто яна “Барселона”га – бир пайтлар ўз карьерасини бошлаган ва шуҳратга эришган клубга қайтиши ҳам муҳокама қилинган.
Агар Месси бирор Саудия клуби билан шартнома имзоласа, бу мамлакатда ўйнаётган яна бир буюк футболчи – Жаҳон Чемпионатидан сўнг Ар-Риёднинг “Ан-Наср” клубига ўтган Криштиану Роналдуга рақобатчи бўлиши мумкин.
Ўтган йили Месси Саудия Арабистонинг туризм бўйича элчиси сифатида тақдим этилганди. Бу эса Мессини қийин аҳволга солиб қўйди. Чунки унинг ватани Аргентина ва Саудия Арабистони 2030 йилги Жаҳон чемпионатини ўтказишга даъвогар рақобатчи давлатлар ҳисобланади.
Месси бир йилда 130 миллион даромад қилади. Бу пулларнинг ярмини у майдондаги чиқишлари учун, ярмини эса майдон ташқаридаги фаолияти учун олади. Месси бу кўрсаткич билан дунёдаги энг кўп пул тўланадиган футбол юлдузи, йилига 136 миллион доллар даромад қиладиган Роналдудан кейинги ўринда туради.
