Сурхондарёда “қарзини бермаган” аёл “самосуд” қилинди

“Бир гуруҳ аёллар томонидан қарзини бермагани учун бошқа бир аёлни дўппослаб, қош ва сочларини кесиб, кийимларини йиртиб ташлашган”и айтилаётган ҳолат юзасидан суриштирув ишлари олиб борилди.

Аниқланишича, ҳолат 2022 йилнинг ноябрь ойи охирларида, Денов тумани Боғишамол маҳалласи ҳудудида содир бўлган. Сариосиё туманида яшовчи 1991 й.т. Д.С. Денов туманида яшовчилар 2003 Р.Г. ва Х.Н. исмли аёллар ўрталарида аввалдан мавжуд бўлган низолари юзасидан, ўзаро жанжаллашиб, Д.С.ни маҳалла ҳудудида уриб тан жароҳати етказишган.

Ҳозирги кунда мазкур ҳолат юзасидан, Денов тумани ИИБ ҳузуридаги Тергов бўлими томонидан терговга қадар текширув ҳаракатлари олиб борилмоқда.

Маълум қилинишича, терговга қадар текширув ҳаракатлари Сурхондарё вилояти Ички ишлар бошқармаси томонидан назоратга олинган.