Паркент қишлоқларига сел келдими?

Ижтимоий тармоқларда “Тошкент вилояти тоғ олди ҳудудлардан ҳисобланадиган Паркент қишлоқларига сел келмоқда” сарлавҳаси остида видео тарқалди.

Фавқулодда вазиятлар бошқармаси хабар беришича, ҳақиқатдан ҳам бугун куннинг иккинчи ярмида Паркент туманида кучли бўлмаган қисқа муддатли ёмғир ёғиши кузатилган.

Шунингдек, ушбу тарқалган видеода сел келганлиги акс этган тасвирлар 2022 йилнинг 14 май куни Паркент тумани “Нуробод” маҳалласи Шахай кўчасида юзага келган.

"Тошкент вилояти Фавқулодда вазиятлар бошқармаси томонидан вилоятнинг тоғ ва тоғ олди ҳудудлар 7 та назорат кузатув постлари ташкил этилган бўлиб, улар томонидан доимий назорат ўрнатилган. Фавқулодда вазиятдар вазирлиги барча ижтимоий тармоқ фойдаланувчиларидан асоссиз, нотўғри хабарларни тарқатмасликни сўраб қолади", - дейилади хабарда.