Деҳқонободда бир киши селда оқиб ҳалок бўлди
Маълумотларга кўра, йўлдан адашган Damas автомобил ҳайдовчиси ва унинг ҳамроҳи йўналишни аниқлаш мақсадида сел оқими ўтадиган ҳудудда тўхтаган.
Деҳқонободда сел сабаб бир киши ҳалок бўлди.
2026 йил 13 октябр куни соат 17:30 ларда Деҳқонобод туманининг тоғли ҳудудларида кузатилган қисқа муддатли кучли ёмғир ёғиши натижасида «Қўнғирот» МФЙ Шакарбулоқ қишлоғи ҳудудидан сел-сувлари оқими ўтган.
Маълумотларга кўра, йўлдан адашган Damas автомобил ҳайдовчиси ва унинг ҳамроҳи йўналишни аниқлаш мақсадида сел оқими ўтадиган ҳудудда тўхтаган. Автомобиль сирпаниб, сел йўлининг чуқурроқ қисмига тушган.
Шундан сўнг ҳайдовчи транспорт воситасидан тушиб, телефон орқали боғланишга уринган ва ҳамроҳини сел келаётгани ҳақида огоҳлантирган.
Бироқ сел оқими натижасида Damas автомобил ва унинг ичидаги йўловчини оқим олиб кетган. Олиб борилган қидирув-қутқарув ишлари давомида йўловчи фуқаронинг жасади топилган.
Ҳодиса жойига туман ҳокимлиги, ФВБ ва ИИБ масъуллари жалб этилган.
