Бугун, 23 декабрь куни Олий мажлис қонунчилик палатаси депутати Расул Кушербаев депутатлик фаолиятини якунлагани ҳақида хабар берган эди. Унинг ортидан Тошкент шаҳар халқ депутатлари Учтепа туман Кенгашининг ЎзЛиДеП партиясидан депутат Нуриддин Зайнитдинов ҳам ўз хоҳишига кўра депутатлик фаолиятини якунлаганини маълум қилди.
Нуриддин Зайнитдинов депутатлар оғзини ёпиш, қасддан уларни позициясини билдиришига қаршиликлар кўрсатилишини айтмоқда.
"Депутатларга босим бўлса, ҳамма жим... Депутатларга қамамоқчи бўлса, ҳамма жим... Депутатларга таъқиб қилса, ҳамма жим... Маҳаллий Кенгаш депутатлари дахлсизлиги бир туман билан чекланса, ҳамма жим... Олий Мажлис Қонунчилик палатасида депутатга кафолатланган сўз берилмаса, ҳамма жим... Гапирма! Индама! Аралашма! Қачонгача бундай гапларни эшитамиз?! Депутатнинг гапиришдан бошқа нимаси қолмоқда? Энди шунгаям йўл берилмаса...", - дейди депутат.У Расул Кушербаевни тўлиқ қўллаб-қувватлашини билдирган. Депутат бўлиб, эмин-эркин депутатлик қилолмайдиган шароитда ишлаб бўлмаслигини таъкидлаган. Унинг айтишича, 2022 йилни ўзида 2-3 маротаба унга бўлган босимлар ва ноқонуний ишларни айбдорларига шу кунгача чора ҳам кўрилмаган. Ҳатто, оиласи, қариндошигача таъқиб ва босим қилишган.
