Хоразмда бюджет ташкилотларига 13 млрд. сўм маблағ ажратилади
Ҳарбий қисмлардан бирининг муҳандислик тармоқларини таъмирлаш учун 8 млрд. сўм берилади.
Халқ депутатлари Хоразм вилояти кенгашининг пул ажратиш бўйича қарори эълон қилинди.
Унга кўра бюджет ташкилотлари ва бюджетдан пул олувчиларга жами 13 млрд. сўмдан ошиқ маблағ ажратилади.
Иловага кўра, маблағлар қуйидагича тақсимланади:
- Вилоят физиатрия ва пулмонология марказига 800 млн. сўм (марказ мобил бригадаси учун автобус харид қилиш ва уни жиҳозлаш учун);
- Хивадаги Отчопар мажмуасини демонтаж қилиб, Урганчга кўчириш учун 992,9 млн. сўм вилоят ҳокимлиги ҳузуридаги "Ягона буюртмачи хизмати" корхонасига;
- 53008-ҳарбий қисмнинг муҳандислик тармоқларини таъмирлаш учун 8 млрд. сўм;
- 2024 йил август ойида Хивада қовун сайли фестивалини ўтказиш учун 2 млрд. сўм;
- Урганч шаҳридаги эски қабуллар биносини таъмирлаш учун 350 млн. сўм ажратилади. Шунингдек, вилоят ҳокимлиги ва транспорт бошқармасига ҳам турли харажатлар учун пуллар ажратилади.
Ушуб қарор ижросини назорат қилиш Халқ депутатлари кенгашининг маҳаллий бюджет бўйича комиссияси раиси Э.Бабажанов зиммасига юкланган.
