"Тошшаҳартрансхизмат"нинг расмий муносабатидан ходимлар яна норози
Тошкентда ойлик маошининг кечикаётганидан шикоят қилган ҳайдовчилар норозилиги акс этган видео тарқалган эди. Ҳолат ижтимоий тармоқларда кенг муҳокамаларга сабаб бўлгач, ташкилот расмий баёнот берди.
Куни кеча ойлик берилмаётганидан норози бўлган ҳайдовчилар яна видеочиқиш қилди.
Уларга кўра, тизимда коррупция авж олган ва тарқалган видеолардан сўнг ҳайдовчиларга нисбатан босим бошланган.
Куни кеча Тошкентда ойлик маошининг кечикаётганидан шикоят қилган ҳайдовчилар норозилиги акс этган видео тарқалган эди. Ҳолат ижтимоий тармоқларда кенг муҳокамаларга сабаб бўлгач, ҳолат юзасидан "Тошшаҳартрансхизмат" расмий баёнот бериб, ойлик маошлар махсус график асосида тўлаб борилаётганини, эътирозлар ўрганиб чиқилишини билдирганди.
Айни пайтда эса яна ҳайдовчиларнинг янги видеомурожаатлари тарқалмоқда: улар бу расмий муносабатдан ҳам норози.
Мурожаатчиларнинг айтишича, 18-автобус бекатида коррупция авж олган. Хусусан, айрим шахсларга маълум миқдорда (450 минг сўм атрофида) пул берса, маош 14–15 миллион сўм бўлиб чиқиши, акс ҳолда бу сумма 8–9 миллион сўмга тушириб юборилишини айтиб, норозилик билдиришган. Қолаверса, тарқалган видеолардан сўнг, ходимларга нисбатан босим ва таҳдидлар кўпайгани айтилмоқда.
Platina.uz ҳолат бўйича Транспорт вазирлигининг матбуот котиби Наврўз Аширматов билан боғланди. Масъулга кўра ҳозирда "Тошшаҳартрансхизмат"да хизмат текшируви бошланган. Platina.uz масалани ўрганишда давом этади.
