БМТ Олий комиссари сунъий интеллект бўйича жиддий хавотир билдирди
"Бугунги дунёда бир нечта одамлар СИ устидан деярли чексиз ҳокимиятга эга", дейди Фолкер Тюрк.
БМТнинг Инсон ҳуқуқлари бўйича Олий комиссари Фолкер Тюрк сунъий интеллект (СИ) инсониятга таҳдид солиши мумкинлигидан хавотир билдирди.
"СИнинг ривожланиши инсоният учун мавжудлик хавфини туғдириши мумкин", деди у Женевада бўлиб ўтган Инсон ҳуқуқлари кенгашининг 63-сессиясининг очилишида.
Унинг таъкидлашича, бугунги дунёда бир нечта одамлар "СИ устидан деярли чексиз ҳокимиятга эга".
Тюрк "жуда кеч бўлмасдан олдин СИ хавфсизлигини кафолатлаш учун кенг қамровли саъй-ҳаракатларни" талаб қилди. Унинг фикрича, СИ технологияларига эга мамлакатлар ва таъминот занжирида иштирок этувчи мамлакатлар СИ "қизил чизиқлари" бўйича келишиб олишлари керак.
