Футболчи Беҳруз Каримов Европа клубига ўтди
ЖЧда эътиборга тушган ўйинчи Швейцариянинг "Лугано" клуби билан шартнома имзолади.
Футболчи Беҳруз Каримов Европа клубига ўтди.
Ўзбекистон миллий терма жамоаси ва Термизнинг "Сурхон" клуби футболчиси Беҳруз Каримов Швейцариянинг "Лугано" клуби билан шартнома имзолади. Бу ҳақда ЎФА хабар берди.
"Футболчи янги клуби учун Тошкентда тиббий кўрикдан ўтди ва у ерда шартнома имзолади. Беҳруз Швейцария иш визасини олиши биланоқ "Лугано"га йўл олади", дейилади ОАВ хабарида.
Маълумот учун, "Лугано" 1908 йилда ташкил этилган. Бу мавсумда жамоа Конференция Лигасининг иккинчи саралаш босқичига йўлланма олди.
