Музаффар Камилов Президентнинг диний-маърифий масалалар бўйича маслаҳатчиси лавозимига тайинланди
Шу муносабат билан у Президент Администрацияси Диний-маърифий масалалар бўйича департаментининг бошлиғи лавозимидан озод этилди.
Ўзбекистон Республикаси Президентининг фармони билан Музаффар Муротович Камилов Ўзбекистон Республикаси Президентининг диний-маърифий масалалар бўйича маслаҳатчиси лавозимига тайинланди. Бу ҳақда Президент матбуот хизмати хабар берди.
Шу муносабат билан Президент Администрацияси Диний-маърифий масалалар бўйича департаментининг бошлиғи лавозимидан озод этилди.
Камилов илгари Ўзбекистон халқаро ислом академияси ректори, президентнинг жамоат ва диний ташкилотлар билан ҳамкорлик масалалари бўйича маслаҳатчиси, Дин ишлари бўйича қўмита раисининг биринчи ўринбосари ва бошқа лавозимларда ишлаган.
