Июл ойи учун тахминий об-ҳаво маълумоти тақдим этилди
Ушбу ойда ўртача ҳарорат меъёрий қийматлардан 1,5-2 даражага, жанубда 2-2,5 даражага, шимолда ва чўл ҳудудларда 2,5-3 даражага юқори бўлиши кутилади.
Бу йил ёз фаслининг ўртаси қандай бўлади?
"Ўзгидромет" прогнозига кўра, июл ойининг боши жуда иссиқ бўлмайди.
1-5 июл кунлари кундузги ҳаво ҳарорати 30-35 даража атрофида, жанубда 36-39 даражагача қулай бўлиши кутилмоқда. Кейинчалик ҳарорат кўтарила бошлайди ва биринчи ўн кунликнинг охирига келиб, кундузи ҳаво 37-40 даражагача, жанубда 41-43 даражагача исийди.
Кейинчалик ойнинг охиригача ҳаво ҳарорати 33-38 даражадан 38-43 даражагача, республика шимолида, чўл ҳудудларида ва жанубида баъзи жойларда 45 даражагача ўзгариб туриши кутилмоқда.
Ҳарорат асосан кечалари 20-25 даража, жанубда 25-27 даража, шимолда ва чўл ҳудудларда 27-30 даража бўлади.
Июл ойида ўртача ҳарорат меъёрий қийматлардан 1,5-2 даражага, жанубда 2-2,5 даражага, шимолда ва чўл ҳудудларда 2,5-3 даражага юқори бўлиши кутилмоқда.
Июл ойи давомида республика бўйича асосан ёғингарчиликсиз об-ҳаво бўлиши кутилмоқда, фақат айрим кунларда республиканинг баъзи жойларида, асосан тоғ олди ва тоғли ҳудудларда, маҳаллий хусусиятга эга бўлган қисқа муддатли ёмғир ёғиши ва момақалдироқ бўлиши мумкин.
Июл ойида ойлик ёғингарчилик миқдори меъёрдан кам бўлиши тахмин қилинмоқда.
