Жиззахда сув ва канализация нархи оширилди

Жиззах вилоятида ичимлик ва оқова сув нархлари ошириладиган бўлди. Бу ҳақда 2026 йил 10 апрелда халқ депутатлари вилоят кенгаши қарори имзоланган.

Ичимлик суви:

• Аҳоли учун 4500 (эски нарх 4000);
• Бюджет ташкилотлари учун 10 000 (эски нарх 6000);
• Улгуржи истеъмолчилар учун 10 000 (эски нарх 6000);

Оқова сув:

• Аҳоли учун 2000 (эски нарх 1700);
• Бюджет ташкилотлари учун 4000 (эски нарх 2500);
• Улгуржи истеъмолчилар учун 4000 (эски нарх 2500).

Жиззахда сув ва канализация тарифлари бундан 2 йил аввал, 2024 йил 15 февралда оширилган эди. Вилоят ҳокимлиги ҳозирча бу ҳақда расман эълон берганича йўқ.

Янги нархлар ОАВ орқали расман эълон қилинган кундан кучга кириши белгиланган. Аммо коммунал хизматлар нархи ошадиган бўлса, камида 15 кун олдин ОАВда эълон қилиниши керак.

Жиззахда коммунал тўловлар нархи ошса, дарҳол кучга кириши одатий ҳолга айланган. Бундан олдинги қарорда ҳам шундай норма бор эди.